Contact Me

 LinkedinFacebookFacebookFlickrTwitterSlideshare Google Buzz

മലയാളി വിഷന്‍

ശേഖരം

വിഭാഗങ്ങള്‍

കണ്ണിലെ രക്തക്കുഴല്‍ പൊട്ടല്‍

FFI Results

These are the results we obtained from a private Hospital.

എന്റെ ഭാര്യയുടെ ഇടത് കണ്ണിന്റെ മധ്യഭാഗത്ത് കറുത്ത വൃത്താകൃതിയില്‍ കാഴ്ച നഷ്ടപ്പെട്ടു. വലത് കണ്മടച്ച് ഇടത് കണ്ണിലൂടെ മറ്റൊരാളിന്റെ മുഖത്ത് നോക്കിയാല്‍ മുഖമൊഴികെ മറ്റ് ഭാഗങ്ങള്‍ കാണാം. രണ്ടു കണ്ണുകൊണ്ടും നോക്കുമ്പോള്‍ ആകെ ഒരസ്വസ്ഥത. ബ്ലഡ് പ്രഷര്‍ ഉണ്ട് അതിന് സ്ഥിരമായി മരുന്നു കഴിക്കുന്നുണ്ട്.

പ്രസിദ്ധമായ ഒരു സ്വകാര്യ കണ്ണാശുപത്രിയില്‍ ചികിത്സയ്ക്കായി സമീപിച്ചപ്പോള്‍ കിട്ടയ റിസല്‍റ്റുകളാണ് മുകളില്‍ കാണുന്നത്. കണ്ണിലെ രക്തക്കുഴലുകളിലുണ്ടായ ബ്ലീഡിംഗ് കാരണമാണ് ഇത് സംഭവിച്ചതെന്നും ഇതെന്തുകൊണ്ടാണ് ഇപ്രകാരം സംഭവിക്കുന്നതെന്ന് കൃത്യമായി പറയാന്‍ കഴിയില്ല എന്നുമാണ് ഡോക്ടര്‍മാര്‍ പറഞ്ഞത്. ഇത് പൂര്‍ണമായി ചികിത്സിച്ച് ഭേദപ്പെടുത്താന്‍ കഴിയില്ലെന്നും ഇന്നത്തെ അവസ്ഥയില്‍ നിന്ന് കൂടാതിരിക്കുവാന്‍ 10,000 രൂപയുടേയോ 50,000 രൂപയുടെയോ മൂന്ന് ഇഞ്ചെക്ഷന്‍ കണ്ണില്‍ എടുക്കണമെന്നും അതില്‍ എത്രരൂപയയ്ക്കുള്ളത് വേണമെന്ന് ഞങ്ങള്‍ക്ക് തീരുമാനിക്കാമെന്നും പറഞ്ഞു. ഒരു ഡോസുകൊണ്ട് കുറഞ്ഞില്ല എങ്കില്‍ രണ്ടാമതൊരു ഡോസുകൂടി എടുക്കേണ്ടി വരും എന്ന മുന്നറിയിപ്പും കിട്ടി. ചികിത്സിച്ച് ഭേദമാക്കാന്‍ കഴിയാത്ത അസുഖമില്ല എന്നും മാമന്‍ ഒരു സെക്കന്‍ഡ് ഒപ്പിനിയന്‍ എടുക്കണം എന്ന് എന്റെ അനന്തിരവന്റെ (ഒരു ദന്തഡോക്ടറാണ്) അഭിപ്രായം മാനിച്ച് സര്‍ക്കാര്‍ കണ്ണാശുപത്രിയില്‍ നിന്ന് പെന്‍ഷന്‍ വാങ്ങി പ്രൈവറ്റ് പ്രാക്ടീസ് ചെയ്യുന്ന ഒരു ഡോക്ടറെ സമീപിച്ചപ്പോള്‍ അദ്ദേഹവും ഇതേ ചികിത്സതന്നെയാണ് നിര്‍ദ്ദേശിച്ചത്. എന്നാല്‍ സര്‍ക്കര്‍ വക കണ്ണശുപത്രിയിലേയ്ക്ക് റഫര്‍ ചെയ്യുകയും അവിടെച്ചെന്നാല്‍ അതേ ഇഞ്ചെക്ഷന്‍ 400 രൂപയ്ക്ക് എടുക്കാന്‍ കഴിയും എന്ന നിര്‍ദ്ദേശിക്കുകയും ചെയ്തു. അത് അനുസരിക്കുകയും നീണ്ട ക്യൂ കടന്ന് ഡോക്ടറുടെ അടുത്തെത്തിയപ്പോഴാണറിയുന്നത് പ്രസ്തുത ഇഞ്ചെക്ഷന്‍ വേണമെങ്കില്‍ രജിസ്റ്റര്‍ ചെയ്ത് സര്‍ക്കാര്‍ അനുമതി ലഭിക്കുന്നതുവരെ കാത്തിരിക്കണമെന്നും. അതല്ല വെളിയില്‍ നിന്ന് വാങ്ങിക്കൊടുത്താല്‍ എടുക്കാം 35,000 രൂപ മൂന്ന് ഇഞ്ചെക്ഷനാകും എന്നും അറിഞ്ഞു.

ചികിത്സിച്ച് ദേദമാക്കാന്‍ കഴിയാത്ത അസുഖമാണല്ലോ എന്റെ ഭാര്യയ്ക്ക് വന്നതെന്ന് ദഃഖിച്ചിരിക്കുമ്പോഴാണ് മറ്റൊരു ബന്ധു മിസ്റ്റ്രര്‍ പ്രവീണ്‍ കുമാര്‍ പറഞ്ഞത് ആയുര്‍വ്വേദ ചികിത്സ ഫലപ്രദമാണെന്നും ചേട്ടന്‍ എന്നോടൊപ്പം വന്നാല്‍ നമക്ക്  ഡോക്ടറുടെ കുടപ്പനക്കുന്നിലുള്ള കണ്ണാശുപത്രിയില്‍ പോയി കാണാം എന്നും ആണ്. തന്റെ മകനെയും മകളെയും ഷോര്‍ട്ട് സൈറ്റിന് ചികിത്സിച്ച്  ഭേദപ്പെട്ട അനുഭവവും പ്രവീണിനുണ്ട്. അപ്രകാരം മാതാ ഐ ക്ലിനിക്കില്‍ തിരുവനന്തപുരം ആയുര്‍വ്വേദ കോളേജില്‍ നിന്ന് പ്രൊഫസറായി വിരമിച്ച ഡോ. ശാന്തകുമാരിയെക്കാണുകയും പരിശോധനകള്‍ക്ക് ശേഷം പുതുതായി തുടങ്ങിയ മൂങ്ങോടുള്ള കണ്ണാശുപത്രിയില്‍ വരാന്‍ നിര്‍ദ്ദേശിക്കുകയും ചെയ്തു. ഏഴു ദിവസത്തെ ധാരയും അഞ്ചു ദിവസത്തെ തര്‍പ്പണവും കഴിഞ്ഞ് വീട്ടില്‍ വന്ന് അഞ്ചു ദിവസത്തെ വിശ്രമവും കഴിഞ്ഞപ്പോഴേയ്ക്കും എന്റെ ഭാര്യയുടെ കണ്ണിന്റെ അസുഖം ഏകദേശം ഭേദമായിക്കഴിഞ്ഞു. മറ്റൊരാളുടെ അനുഭവത്തില്‍ കാഴ്ച പൂര്‍ണമായും തിരികെക്കിട്ടാന്‍ മൂന്നുമാസത്തോളമെടുത്തു എന്നാണ്. കുടപ്പനക്കുന്നിലുള്ള പ്രസ്തുത ആയുര്‍വ്വേദ ആശുപത്രിയില്‍ ചെന്നപ്പോഴാണറിയുന്നത് അലോപ്പതിയില്‍ ഇതേ രോഗത്തിന് പരാജയപ്പെട്ട പലരും അവിടെ ചികിത്സയിലാണ് എന്നകാര്യം. മൂങ്ങോടുള്ള  ആശുപത്രിയില്‍ മറ്റൊരു രോഗിയെ കാണാന്‍ കഴിഞ്ഞത് ഓരോ പ്രാവശ്യം മരുന്നു കൊടുക്കുമ്പോഴും അതിന്റെ പേര് ചോദിച്ചിട്ട് അതില്‍ ഗോമൂത്രം അടങ്ങിയതാണ് എനിക്കത് വേണ്ട എന്ന അഭിപ്രായക്കാരന്‍. പല കാര്യങ്ങളും കൂടുതലായി അറിയാമെന്നത് അദ്ദേഹത്തിന്റെ ചികിത്സയെ ബാധിക്കും എന്ന് ഉറപ്പ്. സ്റ്റാഫ് പറയുന്നത് ഞങ്ങളോട് രോഗി സഹകരിക്കാതിരുന്നാല്‍ ഞങ്ങളെന്തു ചെയ്യും എന്നാണ്.

 

This is the notice of Matha Eye Clinic at Moongodu, Near Thachottukavu, Thiruvananthapuram.

Phone: 98470 57575

 

ഞങ്ങളെ സംബന്ധിച്ചിടത്തോളം ഗോമൂത്രമായാലും ചാണകമായാലും അസുഖം ഭേദമാകണം അത്രേ ഉള്ളു. അലോപ്പതിയില്‍ സ്റ്റബിലിറ്റി  ലഭിക്കുമെന്നുപോലും ഉറപ്പില്ലാതിരിക്കുകയും എന്റെ ഭാര്യയുടെ കണ്ണിലെ കാഴ്ച ആയുര്‍വ്വേദ ചികിത്സയിലൂടെ തിരിച്ചുകിട്ടുകയും ചെയ്ത സന്തോഷം ഞാനെല്ലാപേരെയും അറിയിക്കുന്നു. ഇത്തരത്തിലൊരനുഭവം എനിക്കുണ്ടായത് ഇതേപോലൊരു രോഗം വരുന്ന മറ്റൊരു വ്യക്തിയ്ക്ക് പ്രയോജനപ്രദമാകുമെങ്കില്‍ ഞാന്‍ ധന്യനായി. 

Comments are closed.