കേരളത്തിലെ കൃഷിനാശത്തിന് കാരണമായ കര്‍ഷകരുടെ അസംഘടിതാവസ്ഥയും അജ്ഞതയും ആണെങ്കില്‍ നമുക്കതിനെതിരെ സംഘടിക്കാം, ചര്‍ച്ചചെയ്യാം, അറിവുകള്‍ പങ്കുവെയ്ക്കാം. സ്വാര്‍ത്ഥതയില്ലാത്ത കൃഷിശാസ്ത്രജ്ഞരെ നമുക്ക് ഒപ്പം കൂട്ടാം. വരൂ Agriculture എന്ന കൂട്ടായ്മയില്‍ പങ്കുചേരൂ കൃഷിയെ രക്ഷിക്കൂ കര്‍ഷകരെ രക്ഷിക്കൂ. ഈ കൂട്ടായ്മയില്‍ അജ്ഞരായ അംഗങ്ങളെ ഒഴിവാക്കുവാനായി ചേരുമ്പോള്‍ത്തന്നെ പോസ്റ്റല്‍ അഡ്രസ് രേഖപ്പെടുത്തുവാന്‍ നിര്‍ബന്ധിക്കുകയും അത് രഹസ്യമായി സൂക്ഷിക്കുകയും ചെയ്യുന്നു. ഇന്റെര്‍നെറ്റിലൂടെയും സുതാര്യത ഉറപ്പാക്കുവാന്‍ കഴിയുമെന്ന് ഇവിടെ തെളിയിക്കപ്പെടുകയാണ്. നിങ്ങ് ഡോട് കോം എന്ന വെബ് സൈറ്റിന്റെ രൂപകല്പന ഇത്തരം ശ്രദ്ധേയമായ വിഷയങ്ങള്‍ കൈകാര്യം ചെയ്യുവാന്‍ പ്രാപ്തമാണ്.

ഇത് മിനിസ്റ്റര്‍ ഫോര്‍ അഗ്രിക്കള്‍ച്ചര്‍ സൈറ്റാണ്. ആംഗലേയത്തിലെ ധാരാളം വിവരങ്ങളും ബഹു. മന്ത്രി മുല്ലക്കര രത്നാകരനെക്കുറിച്ചുമൊക്കെ നമുക്ക് വായിക്കാന്‍ കഴിയും. നിര്‍ഭാഗ്യവശാല്‍ അവിടെ മലയാളത്തില്‍ ഒന്നും തന്നെ വായിക്കുവാന്‍ കഴിയുകയില്ല. അതേ സൈറ്റിന്റെ വലതുവശത്തുള്ള സൈഡ്ബാറില്‍  Agriculture Department | KSFDRC |
KERAFED | Farm Information Bureau | State Agricultural Prices Board |
MORE WEBLINKS….

കൃഷിയുമായി താല്പര്യമുള്ളതുകൊണ്ട് സ്റ്റേറ്റ് അഗ്രിക്കള്‍ച്ചറല്‍ പ്രൈസസ് ബോര്‍ഡ് ഒന്ന് ഞെക്കി. അപ്പോള്‍ കിട്ടി ഈ പേജ് . ആംഗലേയത്തില്‍ താല്പര്യമില്ലാത്തതുകൊണ്ട് മലയാളത്തിലാവാം വായന എന്ന് കരുതി ഇടത് മുകളില്‍ കണ്ട Malayalam ഒന്ന് ഞെക്കി. അതാവരുന്നു തകരുന്ന കാര്‍ഷികമേഖലയ്ക്ക് ആശ്വായവുമായി വലതുവശത്തുള്ള സൈഡ്ബാറില്‍ കുറെയധികം ലിങ്കുകള്‍.എന്റെ സൈറ്റില്‍ ആ ലിങ്കുകള്‍ വേണ്ട എന്ന് തോന്നിയതുകൊണ്ട് ലിങ്കുകള്‍ നീക്കം ചെയ്തു.

• Kerala Girls
• Mallu
• Kerala Pictures
• Malayali
• Kerala Malayalee Matrimonial
• Kerala Map
• Kerala Images
• Kerala Actress
• Malayalam MP3 Songs
• PSC Kerala

karsheekakeralam.org – karsheekakeralam Resorces and Information എന്തായാലും സാക്ഷരകേരളത്തിലെ കര്‍ഷകര്‍ക്ക് കാണുവാന്‍ പറ്റിയ ഒരു പേജ് തന്നെ സമ്മതിച്ചിരിക്കുന്നു. പട്ടിണിയും പരിവട്ടവുമില്ലാത്ത നയനാനന്ദകരമായ കാഴ്ചകള്‍ കാണാന്‍ പല സൈറ്റുകളിലേയ്ക്കും പോകാം. രണ്ടുദിവസം മുന്നെ ഞാന്‍ പോയി സേതുലക്ഷ്മിയെക്കണ്ട് വിഷമിച്ചിരിക്കുകയായിരുന്നു. ഇത് സര്‍ക്കാര്‍ തരുന്നതല്ലെ. കണ്‍കുളിര്‍‌ക്കെ കാണാം. ഇതാണ് ലിങ്ക് കാര്‍ഷികകേരളം.ഓര്‍ഗ് എന്ന പ്രൈവറ്റ് ഡൊമൈന്‍ എങ്ങിനെയാണ് സര്‍ക്കാര്‍ സൈറ്റില്‍ ലിങ്ക് ചെയ്യപ്പെട്ടത്? സര്‍ക്കാര്‍ സൈറ്റിലൂടെ സ്വരൂപിക്കുന്ന ക്ലിക്കുകളിലൂടെ പൈസയുണ്ടാക്കുവാനുള്ള ഒരു തരികിട പരിപാടിയായി മാത്രമേ ഇതിനെ കാണാന്‍ കഴിയുകയുള്ളു. കേരള്‍സ്.കോമിന്റെ മറ്റൊരു പതിപ്പ്.

കർഷകർ ആത്മഹത്യ ചെയ്യുവാനുള്ള ഉത്തരവാദികൾ കൃഷിവകുപ്പും കൃഷിഭവനുകളും തന്നെയാണ്‌. താങ്ങാനവാത്ത കടം തന്നെയാണ്‌ കർഷകരെ ആത്മഹത്യക്ക്‌ പ്രേരിപ്പിക്കുന്നത്‌. അഗ്രിക്കൾച്ചറൽ എം.എസ്‌.സി പാസ്സായ കൃഷി ഓഫീസറെക്കൊണ്ട്‌ കർഷകർക്കെന്താണ്‌ പ്രയോജനം? അവരുടെ കാർഷിക ജ്ഞാനം കർഷകരിൽ എത്താത്തതെന്തുകൊണ്ട്‌? കടക്കെണികളുണ്ടാകാതെ ഇവരെ സഹായിക്കുവാൻ കൃഷിഭവനുകൾക്ക്‌ കഴിയില്ലെ? ഇവയെല്ലാം ചില ചോദ്യങ്ങൾ മാത്രം

ആനുകൂല്യ വിതരണത്തിനുവേണ്ടി പ്രവർത്തിക്കുന്ന കൃഷിഭവനുകൾ എല്ലാ മാസവും ഓരോ വാർഡിലും അഗ്രോക്ലിനിക്കുകൾ നടത്താറുണ്ട്‌ അതിൽ എത്ര കർഷകർ പങ്കെടുക്കുന്നുണ്ട്‌ എന്ന്‌ ആരും അന്വേഷിക്കാറില്ല എന്നതാണ്‌ വാസ്തവം. സാധാരണക്കാരുടെ നികുതിപണം സർക്കാർ ശമ്പളമായി കൊടുത്ത്‌ പാഴ്‌ വേല ചെയ്യിക്കുന്നതുകൊണ്ട്‌ എന്താണ്‌ പ്രയോജനം? കൃഷിഭവനുകളിലൂടെ കർഷകർക്ക്‌ നേരിട്ട്‌ പണമായി നൽകുന്ന ആനുകൂല്യങ്ങൾ നിറുത്തലാക്കുകയും പകരം നഷ്ടം നികത്തുന്നതിന്‌ തൊഴിലായി ലഭ്യമാക്കിയാൽ തൊഴിലാളികൾക്ക്‌ കൂടുതൽ തൊഴിലവസരങ്ങൾ ലഭിക്കുകയും കാർഷിക നഷ്ടം കുറയുകയും ചെയ്യും. 23.5 സെന്റ്‌ സ്ഥലം മാത്രമുള്ള കർഷകൻ തീർച്ചയായും ഒരു കർഷക തൊഴിലാളിയാകുവാനാണ്‌ സാധ്യത. ചെറുകിടകർഷകരിൽ ഏറിയ പങ്കും കർഷക തൊഴിലാളികളാണ്‌. അവരുടെ ആത്മഹത്യ നല്ലൊരു കാർഷികജ്ഞാനമുള്ള കർഷകനെയാണ്‌ നഷ്ടപ്പെടുത്തുന്നത്‌.

ഫാം ഇൻഫർമേഷൻ ബ്യൂറോ പ്രസിദ്ധീകരണം. ഈ ലഖുലേഖ കിട്ടാത്തവർക്കായി പ്രസിദ്ധീകരിക്കുന്നു.
പുതിയ ഗ്രാമീണ കൂട്ടായ്മ

(വേദി: അന്താരാഷ്ട്ര കേരള പഠന കോൺഗ്രസ്‌ 2005)

ഞാൻ പങ്കെടുത്ത ചർച്ചകളിൽ എനിക്കേറ്റവും ആകർഷണീയമായിത്തോന്നിയ ഒരു വിഷയം ചുവടെ ചേർക്കുന്നു.
കേരളത്തിലെ ഒരു കൃഷിഭവനിലെ കൃഷി ഓഫീസർ ചെയ്ത സുതാര്യവും പ്രയോജനപ്രദവുമായ പ്രവർത്തനം തെങ്ങുകൃഷിയുമായി ബന്ധപ്പെട്ട്‌ അവതരിപ്പിക്കുകയുണ്ടായി. നാലു വർഷങ്ങൾക്കുമുമ്പ്‌ 500 കർഷകരെ ഉൾപ്പെടുത്തി ശരാശരി 10 തെങ്ങുകൾ വീതം കണക്കാക്കി വെറും 150 രൂപ മാത്രം നൽകിക്കൊണ്ട്‌ നല്ല ഒരു പ്രവർത്തനം കാഴ്ചവെച്ചു. അത്‌ ഇപ്രകാരമായിരുന്നു.
പാഴ്‌ മരങ്ങൾ മുറിച്ചുമാറ്റി തെങ്ങുകൾക്ക്‌ നമ്പർ ഇട്ടു. ഓലയുടെ എണ്ണം അപ്പോഴുള്ള തേങ്ങയുടെ എണ്ണം എന്നിവ ഒരു റജിസ്റ്ററിൽ രേഖപ്പെടുത്തി. കർഷകർതന്നെ പച്ചിലവളങ്ങളും മണ്ണിര ക്മ്പോസ്റ്റും മറ്റും നിർമിച്ച്‌ ശാസ്ത്രീയമായ രീതിയിൽ വളപ്രയോഗം നടത്തുകയും എല്ലാവർഷവും കിട്ടിയ തേങ്ങയുടെ കണക്കുകൾ സൂക്ഷിക്കുകയും ചെയ്തു. ഇപ്പോൾ നാലു വർഷങ്ങൾക്കുശേഷം മറ്റു കർഷകരെ അത്‌ കാണുവാൻ അദ്ദേഹം ക്ഷണിക്കുകയാണ്‌. ഇക്കാര്യത്തിൽ അന്വേഷണങ്ങൾക്ക്‌ കൺവീനർ ആയിരുന്ന ഭാസ്കരൻ.സി, കാർഷിക കോളേജ്‌, തിരുവനന്തപുരം മറുപടി പറയട്ടെ. കർഷകർക്ക്‌ കൃഷിരീതികൾ അറിയാമെങ്കിലും ശാസ്ത്രീയമായ അറിവുകൾ കൂടിച്ചേരുമ്പോഴുണ്ടാകുന്ന നേട്ടങ്ങൾ പ്രശംസനീയം തന്നെയാണ്‌. ഇതിനേക്കാൾ നല്ല രീതിയിൽ പ്രവർത്തിക്കുവാൻ മറ്റു കൃഷിഭവനുകൾക്കും കഴിയണം. ഇവർ ശമ്പളം വാങ്ങുന്നത്‌ എൽ.ഡി.സി യുടെയും അക്കൌണ്ട്‌അന്റിന്റെയും പ്യൂണിന്റെയും ജോലിക്കല്ലയെന്നും കാർഷിക മേഖലയുടെ വികസനമാണ്‌ ലക്ഷ്യമെന്നും ഗ്രാമ പഞ്ചായത്തുകൾക്കും ഓർമ വേണം.