Contact Me

 LinkedinFacebookFacebookFlickrTwitterSlideshare Google Buzz

മലയാളി വിഷന്‍

ശേഖരം

വിഭാഗങ്ങള്‍

റബ്ബര്‍ നയം

National Research Programme on Plantation Development (NRPPD)

nrppd

2014 ആഗസ്റ്റ് മാസം 2 ന് സെന്റര്‍ ഫോര്‍ ഡവലപ്‌മെന്റ് സ്റ്റഡീസില്‍ സംഘടിപ്പിച്ച റബ്ബര്‍ നയരൂപീകരണവുമായി ബന്ധപ്പെട്ട ചര്‍ച്ചയില്‍ എനിക്കും പങ്കെടുക്കുവാന്‍ അവസരം ലഭിക്കുകയുണ്ടായി. നിര്‍ഭാഗ്യവശാല്‍ എന്റെ ഭാഗത്തുനിന്ന് റബ്ബര്‍ കര്‍ഷകരുടെ ഗ്രൂപ്പില്‍ ഉന്നയിക്കപ്പെട്ട നിര്‍ദ്ദേശങ്ങളൊന്നും തന്നെ ശ്രീ സിബി മോനിപ്പള്ളി അവതരിപ്പിച്ച നിര്‍ദ്ദേശങ്ങളില്‍ കാണാന്‍ കഴിഞ്ഞില്ല. ശബ്ദമായി റിക്കോര്‍ഡ് ചെയ്ത ശ്രീ സിബി മോനിപ്പള്ളിയുടെയും, അഡ്വ. ലാലാജിബാബുവിന്റെയും അവതരണങ്ങളാണ് യൂട്യൂബില്‍ വീഡിയോ രൂപത്തില്‍ അവതരിപ്പിച്ചിട്ടുള്ളത്.

എനിക്ക് പറയുവാനുള്ള നിര്‍ദ്ദേശങ്ങള്‍ ചുവടെ ചേര്‍ക്കുന്നു.

൧. തോട്ടം തൊഴിലാളികള്‍ക്കും, കര്‍ഷകര്‍ക്കും, വ്യാപാരികള്‍ക്കും, വ്യവസായികള്‍ക്കും കൈകോര്‍ക്കുവാന്‍ അവസരമൊരുക്കണം.

(i) തുടക്കം കുറിക്കേണ്ടത് തോട്ടം തൊഴിലാളികളില്‍ നിന്നാണ്. റബ്ബര്‍ ഗവേഷണ കേന്ദ്രം റബ്ബര്‍ മരങ്ങളില്‍ നിന്ന് ലഭിക്കുന്ന ലാറ്റെക്സിന്റെ ഗുണനിലവാരം നിര്‍ണയിക്കാനുതകുന്ന ഒരു ഇലക്ട്രോണിക് ഉപകരണം കണ്ടെത്തണം. പ്രസ്തുത ഉപകരണത്തിന്റെ സഹായത്താല്‍ ടാപ്പിംഗ് ദിനങ്ങള്‍തമ്മിലുള്ള അകലം നിര്‍ണയിക്കുവാന്‍ സാധിക്കും. ഇതിലൂടെ ടാപ്പിംഗ് തൊഴിലാളികള്‍ക്കെതിരെ പരാതികള്‍ റബ്ബര്‍ കര്‍ഷകര്‍ക്ക് ഉണ്ടാവില്ല. ഉത്പാദനക്ഷമത വര്‍ദ്ധിപ്പിക്കുവാനും ലാറ്റെക്സിന്റെയും, ഷീറ്റിന്റെയും സ്ക്രാപ്പിന്റെയും ഗുണനിലവാരം വര്‍ദ്ധിപ്പിക്കുവാനും ഇത് സഹായകമാവുകയും ചെയ്യും. റബ്ബര്‍ മരങ്ങളുടെ ആയുസ്സ് വര്‍ദ്ധിപ്പിച്ച് ആവര്‍ത്തന കൃഷിയുടെ ആവശ്യകത കുറവുചെയ്യുകയും ചെയ്യാം. 

(ii) റബ്ബര്‍ കര്‍ഷകര്‍ മെച്ചപ്പെട്ട റബ്ബര്‍ ഷീറ്റുകള്‍ ഉണ്ടാക്കിയാല്‍ അത് രാജ്യത്തിന്റെ സാമ്പത്തിക വളര്‍ച്ചയ്ക്ക് വഴിയൊരുക്കും. ബ്യൂറോ ഓഫ് ഇന്‍ഡസ്ട്രിയല്‍ കോസ്റ്റ് ഓഫ് പ്രൊഡക്ഷന്‍ കാലാകാലങ്ങളില്‍ നിര്‍ണയിക്കുന്ന ഉത്പന്ന നിര്‍മ്മാണ ചെലവ് വെബ് സൈറ്റില്‍ പ്രസിദ്ധീകരിക്കണം. അതേപോലെ റബ്ബര്‍ ബോര്‍ഡും കാലാകാലങ്ങളില്‍ ഉത്പാദന ചെലവ് കണക്കാക്കുന്ന രീതിയും പ്രതി കിലോ ലഭിക്കേണ്ട തുകയും സൈറ്റില്‍ പ്രസിദ്ധീകരിക്കണം. 

(iii)  റബ്ബര്‍ ബോര്‍ഡിന്റെ അംഗീകാരമുള്ള റബ്ബര്‍ ഷീറ്റുുകള്‍ ഗ്രേഡ് തിരിച്ച് വ്യാപാരികള്‍ പ്രതിദിന വില ഉള്‍പ്പെടെ പ്രദര്‍ശിപ്പിക്കണം. കാലപ്പഴക്കം ചെന്ന കണ്‍മതി സമ്പ്രദായത്തിലൂടെയുള്ള തരം തിരിവ് കാരണം താണവിലയ്ക്ക് താണഗ്രേഡില്‍ വാങ്ങി ഉയര്‍ന്ന ഗ്രേഡിലും വിലയിലും വില്‍ക്കുവാന്‍ കഴിയുന്നത് അവസാനിപ്പിക്കണം. ഇത് കര്‍ഷകരെയും ഉത്പന്ന നിര്‍മ്മാതാക്കളെയും ദോഷകരമായി ബാധിക്കുന്നു. അതിന് പകരം കമ്പ്യൂട്ടറൈസ്ഡ് ടെക്നിക്കല്‍ ഗ്രേഡിംഗ് സിസ്റ്റം പ്രാബല്യത്തില്‍ കൊണ്ടുവന്ന് വ്യാപാരികള്‍ വാങ്ങുന്നത് അതേഗ്രേഡില്‍ നിശ്ചിത ലാഭത്തോടെ വ്യവസായികള്‍ക്ക് വില്കണം.

(iv) റബ്ബര്‍ പ്രൊഡ്യൂസര്‍ സൊസൈറ്റികളിലൂടെ കര്‍ഷകരുമായി ആശയ വിനിമയം നടത്തുവാന്‍ ഉത്പന്ന നിര്‍മ്മാതാക്കള്‍ ചര്‍ച്ച ചെയ്യുവാന്‍ തയ്യാറാവണം. വ്യവസായികളുടെ ആവശ്യകതയ്ക്കനുസൃതമായി ഗുണനിലവാരം മെച്ചപ്പെടുത്തുവാനും ലഭ്യത ഉറപ്പാക്കുവാനും അത് സഹായകമാകും. 

൨. പരസ്പരം കൈകോര്‍ക്കുവാന്‍ റബ്ബര്‍ ബോര്‍ഡ് സുതാര്യമായ അവസരമൊരുക്കണം

(i)  എത്രയും വേഗം റബ്ബര്‍ സ്ഥിതിവിവര കണക്കിലെ ക്രമക്കേട് അവസാനിപ്പിക്കണം.

(ii) ബാലന്‍സ്റ്റോക്ക് കുറച്ചു കാട്ടുന്നതുതന്നെയാണ് ഏറ്റവും ഗുരുതരമായ ക്രമക്കേട്.

(iii) റബ്ബര്‍ ബോര്‍ഡിന്റെ അനുവാദമില്ലാതെ റബ്ബര്‍ കയറ്റുമതി നടക്കില്ല. അതിനാല്‍ കയറ്റുമതിക്കാരന്റെ പേര്, അസംസ്കൃത ഉത്പന്നത്തിന്റെ ഭാരം ഗ്രേഡ് എന്നിവയും,  തീയതി, വില, ഏത് തുറമുഖത്തിലേയ്ക്കാണ് കയറ്റുമതി ചെയ്തത് എന്നിവയും പ്രസിദ്ധീകരിക്കുന്നതിലൂടെ രാജ്യത്തിന് സാമ്പത്തിക നഷ്ടമുണ്ടാക്കുന്ന താണവിലയ്ക്കുള്ള കയറ്റുമതി നിയന്ത്രിക്കുവാന്‍ സാധിക്കും.

(iv) കേന്ദ്രത്തിന്റെ സാമ്പത്തിക സഹായത്തോടെ ഡോ. എല്‍ തങ്കിമ്മയുടെ ടാപ്പിംഗ് രീതി ആശങ്കയുളവാക്കുന്നതാണ്. ശാസ്ത്രീയമായി പട്ടയ്ക്കുള്ളിലെ ലാറ്റെക്സിന്റെ ഒഴുക്ക് ഏത് ദിശയില്‍ നിന്ന് ഏത് ദിശയിലേയ്ക്കാണ് ഒഴുകുന്നത് എന്ന് റബ്ബര്‍ ഗവേഷണകേന്ദ്രം വ്യക്തമാക്കണം.

(v) റബ്ബര്‍ ബോര്‍ഡ് പ്രസിദ്ധീകരിക്കാത്ത ഗ്രേഡ് തിരിച്ചുള്ള വിലകള്‍ മാധ്യമങ്ങള്‍ പ്രസിദ്ധീകരിക്കാന്‍ അനുവദിക്കരുത്.

൩. സിന്തറ്റിക് റബ്ബര്‍, സ്വാഭാവിക റബ്ബര്‍, റിക്ലയിംഡ് റബ്ബര്‍ എന്നീ മേഖലയിലുള്ളവരെ ഒത്തൊരുമയോടെ പ്രവര്‍ത്തിക്കുവാന്‍ കേന്ദ്രസര്‍ക്കാര്‍ അവസരമൊരുക്കണം

(i) ആഭ്യന്തര വിലയേക്കാള്‍ താണവിലയ്ക്കുള്ള കയറ്റുമതിയും ഇറക്കുമതിയും അനുവദിക്കരുത്.

(ii) കര്‍ഷകരെയും, വ്യാപാരികളെയും, ചെറുകിട ഉത്പന്ന നിര്‍മ്മാതാക്കളെയും ദോഷകരമായി ബാധിക്കുന്ന താണവിയ്ക്കുള്ള ഇറക്കുമതിയില്‍ ആന്റി ഡമ്പിംഗ് ഡ്യൂട്ടി ചുമത്തണം.

(iii) വടക്കുകിഴക്കന്‍ സംസ്ഥാനങ്ങളില്‍ നിന്ന് കേരളത്തില്‍ പണിചെയ്യുവാന്‍ വന്ന തൊഴിലാളികളില്‍ താല്പര്യമുള്ളവര്‍ക്ക് ടാപ്പിംഗില്‍ പരിശീലനം നല്‍കി കേരളത്തിലെ തോട്ടങ്ങളില്‍ ടാപ്പു ചെയ്യുവാന്‍ അനുവാദം നല്‍കണം. പരിചയ സമ്പന്നരായി മാറുന്ന അവര്‍ക്ക് സ്വന്തം നാട്ടില്‍ തിരികെ എത്തിയാല്‍ അത് തൊഴിലവസരമരുക്കുക മാത്രമല്ല വടക്ക് കിഴക്കന്‍ സംസ്ഥാനങ്ങളിലെ പ്രതിഹെക്ടര്‍ ഉത്പാദനം വര്‍ദ്ധിക്കുവാനും അത് വഴിയൊരുക്കും.

(iv)  നികുതി രഹിതമായി അയല്‍ രാജ്യങ്ങളുമായി ഒപ്പിട്ട ഉടമ്പടികളിലൂടെ ടയര്‍ നിര്‍മ്മാണത്തിനാവശ്യമായ അസംസ്കൃതവസ്തുക്കളുടെ ഇറക്കുമതി പുനപരിശോധിക്കണം. അവലംബം –  http://atmaindia.org/RTA.htm

മുതലായവ