കേരള ഫാര്‍മര്‍ ഓണ്‍ലൈന്‍​

നന്ദിയുണ്ട്. 20 വർഷമായി റബ്ബർ സ്ഥിതിവിവരകണക്കിലെ സപ്ലെയും ഡിമാൻഡും ടാലി ആകാത്ത കണക്കുകളെ പഠിച്ചും, പരാതിപ്പെട്ടും, പ്രസിദ്ധീകരിച്ചും ഒരു പോരാട്ടം തന്നെ നടത്തേണ്ടിവന്നു. വൈകിയ വേളയിലാണെങ്കിലും പരസ്പരം ടാലി ആകത്തക്ക രീതിയിൽ 2018-19 ലെ സ്ഥിതിവിവര കണക്ക് എന്റെ നാളിതുവരെയുള്ള കാത്തിരിപ്പിന് പരിഹാരമായി. തുടർന്നും പ്രതിമാസ സ്ഥിതിവിവര കണക്ക് വാർത്ത ഇപ്രകാരം തന്നെ ടാലി ആകത്തക്ക രീതിയിൽ പ്രസിദ്ധീകരിക്കുമെന്ന് പ്രതീക്ഷിക്കുന്നു.

എന്നിരുന്നാലും സിന്തറ്റിക് റബ്ബറിലെ ക്രമക്കേട് എന്നെ ഏറെ അസ്വസ്ഥനാക്കുന്നു. അതും പരിഹരിക്കപ്പെടുമെന്ന പ്രതീക്ഷയോടെ ഒരായിരം നന്ദി രേഖപ്പെടുത്തുന്നു. പുതുതായി ചുമതലയേറ്റ എന്‍.എഫ്.ആര്‍.പി എസിനെ കണക്കിലെ ക്രമക്കേട് ബോധ്യപ്പെടുത്തുകയും ഒരു സബ് കമ്മിറ്റിയെ വെച്ച് തെളിവെടുപ്പ് നടത്തുകയും അതിന്റെ അടിസ്ഥാനത്തില്‍ പ്രസിഡന്റ് ക്യാപ്റ്റന്‍ ജോര്‍ജ് ജോസഫ് ഒരു കത്ത് റബ്ബര്‍ ബോര്‍ഡിനയക്കുകയും ചെയ്തു. അതിന് ശേഷം അദ്ദേഹത്തിനും SCP യുടെ 8ാം യോഗത്തില്‍ പങ്കെടുക്കുവാന്‍ അവസരം ലഭിക്കുകയുണ്ടായി. അദ്ദേഹത്തിന്റെ ശക്തമായ ഇടപെടലാണ് സ്ഥിതിവിവര കണക്കിലെ ക്രമക്കേട് തിരുത്തുവാന്‍ കാരണമായത്. റബ്ബര്‍ കര്‍ഷകരെ പ്രതിനിധീകരിച്ച് SCP യില്‍ അംഗമുണ്ടായിട്ടും മുന്‍ യോഗങ്ങളില്‍ ഇത്തരം ഒരു തിരുത്തലിനായി ആവശ്യമുന്നയിച്ചിട്ടില്ല. NFRPS ന്റെ സഹകരണം ഉണ്ടായിരുന്നില്ല എങ്കില്‍ എന്റെ പരാതി പരിഗണിക്കപ്പെടാതെ പോയേനെ.

SCP യുടെ 8ാം യോഗത്തിൽ അധ്യക്ഷത വഹിക്കുകയും, നാളിതുവരെ പരിഹരിക്കപ്പെടാതിരുന്ന എന്റെ പരാതിക്ക് ശാശ്വത പരിഹാരത്തിന് കൂട്ടായ തീരുമാനത്തിന് വഴിയൊരുക്കിയ ഡോ. കെ.എൻ രാഘവൻ ഐ.ആർ.എസിന് അകൈതവമായ നന്ദി.

Read in detail >>> https://bit.ly/anapealtopgportal