Contact Me

 LinkedinFacebookFacebookFlickrTwitterSlideshare Google Buzz

മലയാളി വിഷന്‍

ശേഖരം

വിഭാഗങ്ങള്‍

പാഠപുസ്തകം ലക്ഷങ്ങള്‍ പാഴാകുന്നു

വിദ്യാഭ്യാസ വകുപ്പിലെ തുഗ്ലക്ക്‌ പരിഷ്കാരം : പാഴ്ചെലവ് 70 ലക്ഷം രൂപ

Printing of Text Books 23-12-07 ലെ കേരളകൗമുദിയില്‍ വന്ന വാര്‍ത്തയാണ് ചിത്രത്തില്‍ കാണുന്നത്. പൂര്‍ണരൂപത്തില്‍ കാണുവാന്‍ ചിത്രത്തില്‍ ഞെക്കുക.

സംഭവം നടന്നത്‌ ഇങ്ങനെയാണ്. 2001-02 അധ്യയനവര്‍ഷത്തിലെ എട്ടാം ക്ലാസ്സ്‌ പാഠപുസ്തകങ്ങളില്‍ ഇരുപതോളം പാഠങ്ങളില്‍ മാറ്റം വരുത്തണമെന്ന്‌ മാര്‍ച്ച്‌ 2001 ല്‍ വിദ്യാഭ്യാസ വകുപ്പ്‌ തീരുമാനിക്കുന്നു. നിര്‍ദ്ദേശം ലഭിച്ച ഉടന്‍ എസ്സ്.സി.ആര്‍.ടി. (State Council for Educational Research and Training) പുതിക്കിയ പാഠങ്ങള്‍ കൃത്യനിഷ്ടയോടെ തയ്യാറാക്കുന്നു. ടെക്സ്റ്റ്‌ ബുക്ക്‌ ഓഫീസര്‍, സമയം വളരെ കുറച്ചേ ഉള്ളൂ എന്ന്‌ മനസ്സിലാക്കി, മാറ്റം വരുത്തിയ ഇരുപതോളം പാഠങ്ങള്‍ ഉള്‍പ്പെട്ട 42.45 ലക്ഷം പുസ്തകങ്ങള്‍ പ്രിന്റു ചെയ്യുവാനുള്ള പ്രിന്റ്‌ ഓര്‍ഡര്‍ വിവിധ സ്വൊകാര്യ പ്രസ്സുകളെ ഏള്‍പ്പിക്കുന്നു. പ്രസ്സുകള്‍, അര്‍ജ്ജന്റ്‌ കാര്യം ആയതുകൊണ്ട്, ഉടന്‍‌തന്നെ പ്രിന്റു ചെയ്തു തുടങ്ങുകയും ചെയ്യുന്നു.

അത്രയും കാര്യങ്ങള്‍ ചെയ്തുകഴിഞ്ഞപ്പോള്‍ സര്‍ക്കാരിന് വീണ്ടും ബുദ്ധി ഉദിച്ചു. പാഠപുസ്തകങ്ങള്‍ക്ക്‌ ഒരു മാറ്റവും വരുത്തണ്ട. പഴയതു തന്നെ 2001-02 ലും തുടരണം. വിവരം ടെക്സ്റ്റ്‌ ബുക്ക്‌ ഓഫീസ്സര്‍ക്കെത്തിയപ്പോള്‍ 6.40 ലക്ഷം പുതിയ പുസ്തകങ്ങള്‍ പ്രിന്റ്‌ ചെയ്തു കഴിഞ്ഞിരുന്നു. ഉപയോഗ ശൂന്യമായ ആ പുസ്തകങ്ങള്‍ക്ക്‌ കൊടുക്കേണ്ടിവന്ന വിലയോ, വെറും 70 ലക്ഷം രൂപ.

നിയമസഭയുടെ മേശപ്പുറത്തുവച്ച സി.ഏ.ജി യുടെ റിപ്പോര്‍ട്ടില്‍ ഇക്കാര്യവും ഉള്‍പ്പെടുത്തിയിട്ടുണ്ട്‌. നമ്മുടെ സാമാജികന്മാര്‍ക്ക്‌ ഇതുവരെ വായിച്ചു നോക്കാന്‍ സമയമായിട്ടില്ല.

മുന്‍പത്തെ പോസ്റ്റ് – സ്കൂളുകളിലെ ലിനക്സ് പഠനത്തിന് പാര പണിയുന്നു

1 comment to പാഠപുസ്തകം ലക്ഷങ്ങള്‍ പാഴാകുന്നു

  • ചന്ദ്രേട്ടാ, VKN ന്റെ ജനറല്‍ ചാത്തന്‍സ് എന്ന പുസ്തകം വായിച്ചിട്ടുണ്ടോ? പാഠപുസ്തകം എന്ന് കേള്‍ക്കുമ്പോള്‍ എനിക്ക് ആ പുസ്തകം ഓര്‍മ്മ വരും!